رئيس التحرير المسؤول: اسامة طارق الزعبي | السبت - 2021/01/16

محاولات مواطن عادي بالفساد ..!!/ كامل النصيرات

محاولات مواطن عادي بالفساد ..!!
كامل النصيرات

أراد مواطن عادي أن يجرّب الفساد ..بل صار يحلم ليل نهار بأن يصبح فاسداً..جاء هذا المواطن العادي ووضع ريشة جاج على رأسه و مضى يبحث عن مكان يصبح فاسداً فيه ..!!

دخل المواطن العادي ( وهذا كمثال فقط لا غير ) ؛ دخل إلى كراج الباصات صباحاً وفي عز دين أزمة المواصلات ..رأى الناس واقفة طوابير طوابير ..وقف في آخر الدور و على رأسه ريشة الجاج ..تذكّر أنه يجب أن يكون فاسداً ؛ فتخطّى عن اثنين من الذين أمامه في الدور ..رأى امتعاضاً ولم يتكلّم أحد ..قال لنفسه: الريشة جابت نتيجة ..!! قام و تخطّى عن خمسة آخرين أمامه ..فسمع صوتاً و همهمة : شو هاظ ..التزم بالدور ..!! فأشّر على الريشة على رأسه ..!! لم يتطوّر الأمر ..وسكت الجميع ..فبات المواطن العادي على قناعة أن الريشة عاملة مفعولها و الكل خايف منه ..!! فتخطّى عن كثيرين أمامه وهو واثق من الريشة السحريّة ..حتى صار بينه و بين رأس الدور بضعة أشخاص فقط ..!! تعالت الأصوات : يا أخ يا محترم ..يا بني آدم ..ارجع لدورك ..!! ضحك المواطن العادي وقال : أنا مواطن على راسي ريشة ؛ مش شايفينها ..؟ يعني ومن الآخر : أنا فاسد ؛ فاسد فاسد ..ولا حدا يحكي معي لأعمل و أفعل وأترك ..!!

تقدّم أربعة أشخاص من المواطن العادي ؛ كانوا يقفون على مقدمة الدور ..وقالوا له : إيش أبو الشباب ..ليش صوتك طالع ..؟ قال المواطن العادي بثقة : أنا فاسد و مش خايف من حدا ..مش شايفين الريشة على راسي ..وأحسن إلكو ( تدحدلوا ) من هون لأعمل الدنيا خبايص …!! ضحك الأربعة ..أمسكوا بالمواطن العادي ..بطحوه أرضاً ..ترفشوه ..صوته يعلو فوق العادة ..لا أحد يأتي لإنقاذه ..!! وبعد أن سبح ببركة دمائه ..أوقفوه ..وجرّوه لأول الدور وقالوا له : ولك يا حيوان ..مش شايف إنو كل إللي بأول الدور على راسهم ريشة ومش زي ريشتك إللي نفخة زغيرة بتطيرها ..!! وَلَكْ ..ما شفتنا إحنا ولا شفت الريشة إللي على روسنا..ولك كل إللي على راسهم ريشة ..قرايبهم كمان على راسهم ريشة ..!! لمّا تفتّح منيح و تصير تشوف ..بعدها تيجي تتعلم كيف تصبح مواطناً فاسداً.. شي غاد ؛ مواطن جديد صنعة صحيح ..!!

شارك الخبر

بأمكانك مشاهدة

محاضرة للدكتور حنا صابات ” أساسيات في التقويم الهجري والميلادي في ملتقى شعلة اليرموك الثقافي

كنانة نيوز – ثقافة – موســى النعواشي – ضمن موسم ملتقى شعلة اليرموك الثقافي 2020 …