84
كنانة نيوز –
موال لإربد
د. محمد حيدر محيلان
مهداة لابناء وبنات اربد وعشاقها
معذور يلي بحبها
بسرعة وِقِعْ…
ومعذور يلي يومْ… شِلِحْ
دثارها الغالي .. سِقِعْ
ومعذور يلي ذاق
ميِّتْهَا ورِجِعْ…
او طاف في جناتها
الحلوة ..
وما عُمْرُه شِبِعْ
……………
اربد حبيبة عُمُرْنَا
واربد رفيقة دَرُبنا
واربد طفولتنا
ومدارجْ زُغِرْنَا
واربد معيشتْنَا
ونهاية عُمِرْنا
…………
بتِغْزِلْ دفا بتشرينْ
منْ صوف الوفا
بٍتِصْنَعْ مراوح
مِنْ لهايب آب
بِتْنَديّْ الجَفَا
……….
بتخبز من قفاف
السعد قرصاتها
وعمر الخنا
ما فاتها….
وْعَبَتْ كَوَايِرْ جودْهَا
من جدودها..
وْعَبَتْ خوابي العزْ
من جداتها…
اربد حلاها فاق
كل اوصافها…
وقع بهواها
إلي وصلْها وشافها
……
ومن طيبها فاحت
مزارعها بشذى زهراتها
وارخت .. على كْتافْ
السبَلْ شعراتها…
ونامت ..
وصحاها الفجر ..
وقامت وخبزت
واطعمت جاراتها