رئيس التحرير المسؤول: اسامة طارق الزعبي | الأحد - 2021/01/24

قمّة العشرين.. / أحمد حسن الزعبي 

قمّة العشرين..

أحمد حسن الزعبي

أزاح جوز فزّة صحن الهريسة من أمامه ثم سكب من كأس الماء نقطتين على إصبعيه ونشفّهما بطرف شماغه…ثم مدّ يده الى جيب ثوبه ..ووجّه كلامه لأبي يجيى
جوز فزّة : أيواااا هسّع قدّيش بدّك مني بدل ردّ الزيتات؟..
أبو يحيى : عشرين..
فبحث عن عشرين بين الدنانير والخمسات وناوله اياها..فوجّه أبو يحيى سؤاله لإبن تركية..أبو يحيى: قدّيش بدّك مني أجار البكم؟..
ابن تركية: خليها علينا خالي…مش مستاهلة..بيكفي عشرين..
أمسك أبو يحيى بالعشرين التي أخذها للتو من جوز فزّة وناولها لإبن تركية..تذكّر ابن تركية دين قديم لعودة الامزط..خالي عودة مش الك علي حق 4 شوالات سمنت أخذت منك العام..قديش بدك مني ..
فرد عودة الأمزط: خليهن يا خالي..!!…خلص هات عشرين…تناول عودة العشرين وتذكّر أنه لم يسدد أجرة حراث تراكتور أبو يحيى..صحيح انت الك علي حراث “القبليات” قديش بطلع عليّ
أبو يحيى: عشرين..
تناول أبو يحيى العشرين وقال لجوز فزة ..هاك هاي بدل حق فردة الكوشوك اللي اخذتها منك.
جوز فزة: أخذ العشرين ودثرها بين الليرات: ..هاي البركة اللي بحكوا عنها سدينا كل ديوننا وظلت العشرين بمطرحها…

بقمة العشرين: بشبعوا الطفرانين وهم..وهظلاك مصاريهم بتظل بجيابهم.
احمد حسن الزعبي
Ahmed.h.alzoubi@hotmail.com

شارك الخبر

بأمكانك مشاهدة

لِلغيابِ وجه آخر / الكاتب والشاعر هيثم النسور

كنانه نيوز – ثقافة لِلغيابِ وجه آخر  الكاتب والشاعر هيثم النسور   سأَسأَلُ عنـكـم في …