رئيس التحرير المسؤول: اسامة طارق الزعبي | الأربعاء - 2020/07/08

هنياله هالقط…./ أحمد حسن الزعبي

هنياله هالقط….
أحمد حسن الزعبي

هنيال القط لا مطلوب منه يفتح محفظة اليكترونية،ولا يشترك بالضمان،ولا مصاريف دار ،ولا قراية اولاد،ولا هكلان هم مستقبل الزغار،ولا جريدته وقفته عن العمل..
هنيال هالقط ،لا بمنعه حظر تجول،ولا بده تصريح تنقل،ولا المخابرات بتراقب منشوراته،ولا حاطين صفحته عالشاشة الرئيسية بادارة الازمات ،ولا عنده سحيجة بيزاودوا ع وطنيته،وكل الأشهر عنده شباط،
هنيال هالقط لا بسمع الايجاز الصحفي لسعد جابر وأمجد العضايلة وإذا سمعه بعنيهوش،ولا عنده فيسبوك،ولا مرته بدها منه (تايد) للغسيل ولا مشمعات للأكل ،ولا بتقله زمان ما شفت أهلي،ولا عنده فواتير كهربا ولا تنكات مي ..بيوكل لحمة ببلاش وبيوكل دهن ليه قد ما بده وما بخاف لا من سكري ولا من كوليسترول ولا دهون ثلاثية،
هنياله هالقط مرزوق يوم بيوم وبعيش سبع سنين لايقات احسن من ستين سنة هاملات وما حدا عتبان عليه ، وبالاخر فيش حساب وعذاب….
إذا الله سلمه من قطعة الشارع بعيش عمره الهني…
هنياله هالقط

احمد حسن الزعبي
ahmedalzoubi@hotmail.com

شارك الخبر

بأمكانك مشاهدة

هي “كبيرة” يا دولة الرئيس / عريب الرنتاوي

هي “كبيرة” يا دولة الرئيس عريب الرنتاوي استوقفتني عبارة “كبرها بتكبر وصغّرها بتصغر” التي وردت …