59
كنانة نيوز – مقالات-
قراوة بني زيد
هبـــة حسين عبابنة
من سفوحها العالية و أَراضيها الجبلية.. من الصبح، تحت شجر هالزيتون و التين.. اللوز و البلوط و العنب و ما تنسى السريس و القندول و السويد و القيقب…
بيتمدد الحجي الكبير و بيرتاح و بروح يشم الهوا النضيف عند عين الميّه.. مَهيّه كثيرة و مش بعيدة ما رح يتعب من المشوار.. يلا يابا ننزل على عين القيقب أو عين ممدوح.. و ما بقوم إلا ليشوف رام الله على شماله… وين هاي؟؟ هاي بقراوة بني زيد.. القرية الفلسطينية، بلد الكَرَم و الجود.. بلد الثقافة و العلم.. بلد النَّبع و العيون.. بلد التين و اللوز و الزيتون.. هي بلد المقاومة و الصمود.. بلد العشرين شهيد و الأَكثر من مئة أسير في السجون.. اللي ظلت شامخة مثل شجر البلوط.. هي انتفاضة الأقصى.. قدمت الدَّم و البيوت.. ولادها محمود عرار، و نواف سمير، و ظاهر و عبدالله و كمال المعروف.. اللي فيها عدد كبير من الجمعيات الخيرية.. مهوه هيك! ناس بتسهر تحكي عن التراث والثقافة.. أكيد رح يمشي الخير بعروقهم و تكون مغروسة فيهم الإنسانية.. و وين ما تمشي، كل شبر فيها بتلاقي فيه ذكرى لشهيد أو ذكرى لقضية.. الناس الكويسة بتستشهد على الأرض المرويّة.. من مقام النبي صالح و مقام ابو عمرو و مقام أبو الخير و مغارة العين كلها مناطق بتبعث بأرواحنا الهمة القوية.. هاي أرضنا عايشين فيها عيشة هنيّة.. أرض الصالحين و أرض جدودنا اللي تركوها إلنا هدية..
قراوة بني زيد