ماركة كلمنظة / رائــد عبدالرحمن حجازي
كنانة نيوز –
ماركة كلمنظة
رائــد عبدالرحمن حجازي
في أحد محلات بيع الملابس لفت نظري تيشيرت معروض بسعر خيالي ، مما دفعني حب الفضول لسؤال الموظف عن سبب ارتفاع سعره ، ابتسم الموظف وهو شب ما زال في العقد الثاني من عمره وأجابني بكل لطف واحترام
وقال : هاد عموه ماركة
أنا : شو يعني ماركة ؟!
هو : يعني الشركة اللي بتصنعة شركة عالمية ومشهورة
أنا : مشان هيك سعره غالي !
هو : لأ …. وكمان لأنه مهما غسلته ولبسته لونه ما بتغيّر
أنا : مع ابتسامة خفيفة ومن باب المزاح قلت له الله يرحم جدي كان يلبس من أحسن الماركات
هو : شو هي الماركات ؟
أنا : أي بكفي سرواله كان ماركة كلمنظة( kalamantha)
هو : شو يعني كلمنظة ؟!
وهنا وجدتها فرصتي لتوضيح أهمية تلك الماركة وميزاتها ، فقلت له ماركة الكلمنظة هي ماركة عالمية قديمة وكانت صناعاتها من المنسوجات تدوم لسنوات إن لم يكن لعشرات السنوات دون أن تتلف أو يتغيّر لون القماش مع أن عملية الغسيل كانت تتم بواسطة ضرب القماش بالحجر وعلى الصفاة وبدون أي منظفات كيماوية وعلى حافة البركة وبعد هيك استعملوا غسالة فل اتوماتيك ماركة اللقن ( lagen). عندها ظن الموظف أنني بدأت أخلط زيت ومي .